ເກຣັກ ລົງນາມສັ່ງຊອກຊື້ເຄື່ອງບິນຂັບໄລ່ F-35A ຈຳນວນ 20 ລໍາ
ເຄື່ອງບິນຂັບໄລ່ F-35A
ເກຣັກ ໄດ້ເຂົ້າຮ່ວມໂຄງການເຄື່ອງບິນຂັບໄລ່ ລັອກຮິດ ມາຕິນ F-35A Lightning II ນານາຊາດຢ່າງເປັນທາງການດ້ວຍການລົງ
ນາມ ໃນຈົດໝາຍຂໍຂໍ້ສະເໜີ ແລະ ຕອບຮັບ (LOA) ເຊິ່ງໄດ້ປະກາດໄປເມື່ອ ວັນທີ 25 ກໍລະກົດ ທີ່ຜ່ານມາ, ເຊິ່ງລັດຖະບານເກຣັກ
ໄດ້ສັ່ງຊອກຊື້ເຄື່ອງບິນຂັບໄລ່ F-35A ຈຳນວນ 20 ລຳ ຈາກປະເທດຜູ້ຜະລິດ.
ກອງທັບອາກາດເກຣັກ ກຳລັງຊອກຊື້ເຄື່ອງບິນຂັບໄລ່ F-35A ເພື່ອເປັນສ່ວນໜຶ່ງໃນການຍົກລະດັບກຳລັງຮົບທາງອາກາດຂອງຕົນ.
ຜ່ານມາໄດ້ສັ່ງຊື້ເຄື່ອງບິນຂັບໄລ່ Dassault Rafale ຈາກຝຣັ່ງ, ເຊິ່ງເປັນການປັບປຸງຝູງເຄື່ອງບິນຂັບໄລ່ຈາກ ບໍລິສັດລັອກຮິດມາຕິນ ຄື
F-16 Fighting Falcon ທີ່ມີຢູ່ຂອງຕົນເອງ.
ການລົງນາມຂໍລາຍລະອຽດ ໃນຄັ້ງນີ້, ເກຣັກ ໄດ້ກາຍເປັນປະເທດທີ 19 ທີ່ຈະເຂົ້າຮ່ວມໂຄງການເຄື່ອງບິນຂັບໄລ່ F-35 ນານາຊາດ
ຢ່າງເປັນທາງການ ແລະ ຍັງເປັນປະເທດ ໃນເອີຣົບ ຫຼ້າສຸດທີ່ລົງນາມ ເພື່ອເຂົ້າຮ່ວມໂຄງການຕໍ່ຈາກແບນຊິກ, ສ ເຊັກ, ດານມາກ, ແຟງລັງ,
ເຢຍລະມັນ, ອີຕາລີ, ໂຮນລັງ, ນອກແວ, ໂປໂລຍ, ຣູມານີ, ສະວິດ ແລະ ອັງກິດ.
ແຫຼ່ງທີ່ມາ: ໜັງສືພິມກອງທັບ
ວັນທີ 01/08/2024